Lojërat shkollore sportive ballkanike janë shembull për lidhshmërinë dhe bashkimin tonë të fuqishëm rajonal, theksoi kryeministri Dimitar Kovaçevski sot në përfundimin zyrtar të Lojërave të hapura shkollore ballkanike në Ohër. Në mbylljen e lojërave të cilat u mbajtën gjatë katër ditëve të kaluara u ndanë mirënjohje për shtatë vendet pjesëmarrëse nga Ballkani me rreth 450 nxënës, njofton MIA.
Kryeministri Kovaçevski pjesëmarrësve u dëshiroi të respektohen dhe ndihmohen mes vete, siç u ndihmuan mes vete kryeministrat dhe presidentët e vendeve ballkanike dhe nuk lejuan në ditët e krizës gjatë dimrit të mbetemi pa ushqim dhe energjensë.
“Javën e kaluar u mbajt Samiti i Ballkanit të Hapur ku së bashku me kolegët e mi nga vendet e Ballkanit Perëndimor biseduam dhe u dakorduam për bashkëpunim konkret dhe hapje të mundësive të reja për lidhshmëri rajonale në të gjitha sferat. Këto lojëra të hapura shkollore sportive ballkanike, ku sot të gjithë ne jemi të pranishëm, dhe në të cilat marrin pjesë rreth 450 nxënës-garues nga Maqedonia e Veriut, Shqipëria, Kosova, Bullgaria, Mali i Zi, Bosnja e Hercegovina dhe Serbia, flasin se lidhshmëria jonë është reale”, theksoi kryeministri Kovaçevski.
Qeveria e Maqedonisë së Veriut, siç theksoi ai, është plotësisht e përkushtuar në krijimin e programeve për rritje të përfshirjes së të rinjve dhe qytetarëve në aktivitete sportive-rekreative.
Investojmë, shtoi Kovaçevski, edhe në sigurimin e infrastrukturës moderne dhe të sigurt shkollore dhe i mbështesim klubet sportive dhe sportistët dhe sportistet profesioniste.
