Fitorja ukrainase është e pashmangshme, por është e pamundur të parashikohet se kur do të përfundojë lufta, theksoi presidenti ukrainas Vollodimir Zelenski në fjalimin e tij para opinionit mbrëmë vonë, njofton MIA.
“Shumë qytete dhe bashkësi ende janë nën kontroll të përkohshëm të ushtrisë ruse. Por, nuk dyshoj se është çështje kohe kur do ta çlirojmë vendin tonë, nënvizoi presidenti ukrainas. Sipas Zelenskit, nuk ka përgjigje të thjeshtë në pyetjen se kur ukrainasit do t’i mposhtin rusët. Fitorja dhe paqja, theksoi ai, do të vijnë më shpejtë, siç theksoi, përderisa çdo ukrainas lufton.
“Kur të fitojmë, të gjithë do ta ndjejnë këtë. Kur të vjen paqja, të gjithë do ta shohin. Por, që të vjen deri te kjo dhe të ndodh sa më shpejtë, duhet të mos mendojmë për këtë kur dhe si do të jetë. Çdo ditë duhet të mendojmë rreth asaj si ta bëjmë ende më të padurueshëm qëndrimin e pushtuesit në vendin tonë”, shtoi Zelenski.
Presidenti ukrainas beson se “që Ukraina të kërkojë paqe, çdo ukrainas duhet të luftojë”.
“Ata duhet ta mbrojnë lirinë. Sepse çdo ditë lufta tani shton një vit jetë paqësore pasi të përfundojë kjo luftë”, përfundoi Zelenski.
