Qeveria dhe Agjencia për Rini dhe Sport, në vazhdimësi investojnë dhe krijojnë kushte për realizimin e qetë të aktiviteteve të federatave sportive, klubeve dhe sportistëve individualë, për të cilat janë krijuar masat si “vauçerë në sport” për të cilin janë shfrytëzuar 574 milionë denarë, mjete nga Buxheti i shtetit. Kështu deklaroi Kryeministri Dimitar Kovaçevski gjatë vizitës në sallën “Partizani” në Karposh.
“Në këtë mënyrë shteti drejton një pjesë të parave nga tatimi në fitim në sportin maqedonas. Kompanitë, në fakt, në vend që të paguajnë një pjesë të detyrimit të tatimit mbi fitimin ndaj shtetit, kanë mundësinë ta investojnë në një klub sportiv apo sportistë që kanë marrë një kupon nga Agjencia për Rini dhe Sport. Përmes kësaj mase klubet sportive, federatat kombëtare sportive dhe sportistët individualë marrin mbështetje institucionale dhe partner të besueshëm në financimin e programeve të tyre, që nënkupton promovimin e sportit”, tha Kryeministri Kovaçevski.
Kryeministri theksoi se edhe në kohë krize globale ekonomike dhe shëndetësore, kjo masë mbështet 174 sportistë, 46 federata dhe 664 klube sportive, çka do të thotë se përfitimet e sistemit të kuponëve kanë përjetuar 885 subjekte sportive dhe sportistë individualë. Interesimi është shumë i madh dhe masa po pranohet gjithnjë e më shumë dhe në tre vitet e fundit kemi mbështetur aktivisht klubet sportive, federatat, por edhe sportistët individualë për të arritur suksese dhe rezultate të mira.
“Për Qeverinë e Republikës së Maqedonisë së Veriut, sporti është mjet për të arritur zhvillim më të mirë social dhe ekonomik dhe luan një rol të rëndësishëm në historinë kulturore të vendit tonë. Sporti fuqizon të rinjtë, gratë, individët dhe komunitetet dhe kontribuon në ndërtimin e një shoqërie gjithëpërfshirje, tolerante dhe të qëndrueshme. Qëllimet tona janë ndërtimi i popullatës fizikisht aktive, stimulimi dhe zhvillimi i kulturës sportive në vendin tonë, krijimi i politikave të integritetit në organizatat sportive, afirmimi i diplomacisë sportive dhe sportit të lartë”, tha Kryeministri Kovaçevski.
