Zëvendësprefekti i Mariupolit, Sergej Orllov kumtoi se në qytet ende janë edhe 130.000 njerëz. Qyteti është nën bllokadë më shumë se pesëdhjetë ditë, ndërsa Orllov thotë se nuk ka më energji elektrike, ushqim dhe as ilaçe, njofton MIA.
Njerëzit jetojnë në kushte të bombardimeve të vazhdueshme dhe sulmeve ajrore. Mungon gjithçka, mungon jeta”, tha ai dhe shtoi se mbrojtësit e qytetit e kanë gjithnjë e më të vështirë dhe se janë të rrethuar.
Zëvendëskryeministrja ukrainase Irina Vareshçuk paraprakisht kumtoi se Ukraina ka arritur marrëveshje me forcat ruse sot që të hapet një korridor i sigurt për civilët që ta braktisin qytetin e shkatërruar portual, Mariupol.
“Kemi arritur marrëveshje preliminare për korridor humanitar për gra, fëmijë dhe persona të moshuar”, shkroi ajo në rrjetet sociale.
