Në Qendër Zhupë edhe pas votimit të sërishëm, banorët e Qendër Zhupës nuk zgjodhën kryetar komune për shkak të censusit të nevojshëm, njofton MIA.
Sipas Shtabeve zgjedhore të kandidatëve edhe këtë herë nuk është siguruar konsensus i nevojshëm prej 1/3 nga trupi i përgjithshëm zgjedhor prej 7.077 votues. Në zgjedhjet lokale më 17 tetor vitin e kaluar të drejtë vote kanë pasur 7.317, ndërsa e kanë realizuar 25,77 për qind.
Ndërkaq, dje KSHZ-ja kumtoi se prej 7.077 me të drejtë vote, në votime kanë dalë 2.120 apo 29,96 për qind.
Gjithsej 2.053 vota të vlefshme dhe 68 të pavlefshme. Dita e djeshme zgjedhore ka kaluar pa probleme në të gjitha 16 vendvotimet. Që të votojnë kishin arrit rreth 700 mërgimtarë të kësaj zone që jetojnë dhe punojnë në Itali.
Në garën për funksionin e kryetarit të komunës si edhe më 17 tetor të vitit të kaluar kanë qenë Arian Ibraim i propozuar nga Partia Demokratike Turke i cili besimin e qytetarëve e ka kërkuar për herë të tretë dhe Shain Shaqir nga partia Lëvizja për Bashkim Kombëtar e Turqve.
KSHZ-ja informon se kandidati me numër rendor 1, Shain Shaqir, i propozuar nga partia Lëvizja për Bashkim Kombëtar e Turqve ka marrë 165 vota, ndërsa Arian Ibraim nga Partia Turke Demokratike ka marr 1.887 vota.
“Në zgjedhjet e djeshme nga gjithsej 7.077 persona me të drejtë vote, kanë votuar 2.121 persona apo 29,97 për qind, me çka nuk është arritur censusi i nevojshëm prej 1/3 nga trupi votues.
Kandidati Arian Ibraim nga Partia Turke Demokratike ka marrë 1.887 apo 89,1 për qind derisa Shain Shaqir nga partia Lëvizja për Bashkim Kombëtar e Turqve 165 vota apo 7,78 për qind”, deklaroi dje për MIA-n Nexhip Iljaz kryetar i KKZ-së.
