Qeveria në seancën e sotme të 34-të e ka miratuar Dekretin për ndryshimin e Dekretit për vlerën e kompensimit për privatizimin e tokës ndërtimore që privatizohet, e cila rritet për 30 herë, njofton agjencia e lajmeve MIA.
Me dekret rregullohet edhe mënyra dhe procedura për pagesën e kompensimit për privatizimin e tokës ndërtimore.
“Me Dekretin për ndryshimin e Dekretit për vlerën e kompensimit për privatizimin e tokës ndërtimore që po privatizohet, mënyra dhe procedura për pagesë të kompensimit për privatizimin e tokës ndërtimore, pasqyra e së cilës për vlerën e kompensimit për privatizim të tokës ndërtimore zëvendësohet me Propozim të ri”, informojnë nga Qeveria.
Është parashikuar vlerë më e lartë e kompensimit (30 herë më e lartë se sa ishte planifikuar) për privatizimin e tokës ndërtimore shtetërore me qëllim të: banimit kolektiv të paraparë me aktet e planifikimit hapësinor që nuk janë realizuar, komercial, afarist, komercial, prodhues dhe objekte të destinuara për sport dhe rekreacion.
“Ndryshimi i propozuar është bërë për shkak të rritjes së vlerës së tregut të tokës ndërtimore në raport me vlerën e tokës ndërtimore në vitin 2005, kur hyri në fuqi Ligji për privatizimin dhe dhënien me qira të tokës ndërtimore në pronësi shtetërore”, thonë nga Qeveria.
