Qeveria në seancën e sotme të 34-të, vendosi të pranojë propozimin e Komisionit për Sëmundje Infektive dhe rekomandimet e Shtabit të përgjithshëm koordinues të krizave për përballje me Kovid-19 për lehtësimin e disa masave që vlenin për nxënësit e shkollave fillore, informon MIA.
Vendimi hyn në fuqi nesër dhe është i vlefshëm deri në paraqitjen e një propozimi të ri nga Komisioni i Sëmundjeve Infektive. Krahas kësaj, Qeveria vendosi të fillojë mësimin me prezencë fizike në fakultetet në vend në përputhje me masat parandaluese të rekomanduara për parandalimin e koronavirusit Kovid-19, mbajtjen e detyrueshme të maskave mbrojtëse në ambiente të mbyllura, ruajtjen e distancës fizike prej një deri në dy metra, higjiena e duarve me dezinfektim të detyrueshëm para hyrjeve të sallave të ligjëratave, amfiteatrove, palestrave, gjegjësisht mos grupim dhe ajrim i shpeshtë i ambienteve të mbyllura, me rekomandim për vaksinimin e studentëve dhe kuadrit mësimdhënës të fakulteteve në vend.
Qeveria miratoi edhe rritjen e kapacitetit maksimal në hapësira të hapura dhe të mbyllura nga maksimumi aktual prej 50 për qind në 75 për qind, me mbajtjen e detyrueshme të maskave mbrojtëse për ngjarje kulturore – teatro, kinema, filarmoni, si dhe seminare , trajnime, takime, konferenca dhe të ngjashme.
Hiqet detyrimi për sigurimin e shërbimeve të rendit në operatorët ekonomikë, si posedimi i detyrueshëm i certifikatës ose vërtetimit për imunizimin, përkatësisht dy dozave të pranuara të vaksinës kundër Kovid-19 ose kalimin e sëmundjes së Kovid-19 në 180 ditët e fundit, për të vizituar objektet gastronomike në ambiente të hapura.
Në të njëjtën kohë, për pjesët e mbyllura mbetet detyrimi për posedimin e certifikatës për vaksinim ose për kalimin e sëmundjes.
