Gazetari rus Dmitrij Muratov sot paralajmëroi se do ta donojë medaljen e Çmimit Nobël për Paqe, të cilin e fitoi vitin e kaluar, që të shitej në ankand për grumbullimin e mjeteve për ndihmë të refugjatëve ukrainas, njofton MIA.
Në gazetën e pavarur “Novaja gazeta”, në të cilën ai është kryeredaktor, Muratov ju bëri thirrje njerëzve “të ndajnë me refugjatët, të plagosurit dhe fëmijët të cilëve iu nevojitet mjekim urgjent atë që është e vlefshme për ta, ndërsa që ka vlerë edhe për të tjerët”.
Ai kërkoi ndihmë nga shtëpitë e ankandeve për organizimin e shitjes. Muratov vitin e kaluar e ndau Çmimin Nobel për Paqe me gazetaren filipinase Maria Resa. Ai tha se pjesën e tij të parave do ta dhurojë për qëllime bamirësie, mes tjerash për mediat e pavarura, shtëpinë e të pafuqishmëve në Moskë dhe fëmijë me probleme kurrizore.
