Kryeministri Dimitar Kovaçevski paralajmëroi se do ta ulë numrin e këshilltarëve të tij dhe se do të ketë më së paku nga të gjithë kryeministrat e mëparshëm, njofton agjencia e lajmeve MIA.
Duke u përgjigjur në pyetje të gazetarëve, kryetari i Qeverisë tha se me riorganizim të kabinetit të tij, disa nga këshilltarët tashmë nuk do ta kenë atë detyrë, ndërsa disa prej tyre do të punojnë në puna lineare në njësi organizative për të cilat janë specializuar sipas kualifikimeve të tyre.
Theksoi se tashmë janë planifikuar ata që do të jenë këshilltarë, nuk mund t’i kumtojë emrat e tyre sepse kjo ende nuk është zyrtare, por ata janë, siç tha, me kualifikime të larta dhe profesionistë të shquar në fushat e veta.
“Numri i këshilltarëve të cilët unë planifikoj t’i kem është më i vogël se numri i këshilltarëve që i kanë pasur kryeministrat e deritanishëm. Ata këshilltarë do të kryejnë punë në fushën e tyre profesionale, të gjithë kanë përvojë profesionale njëzet e më tepër vjeçare, akademike dhe profesionale”, tha Kovaçevski për mediumet gjatë vizitës në “OHIS”.
