Edhe tetë shtetas të tjerë, katër tanët dhe katër ukrainas, por në një marrëdhënie farefisnore me tanët, kërkojmë të evakuohen nga Ukraina, informoi sot në konferencën e rregullt ministri i Punëve të Jashtme Bujar Osmani,njofton MIA.
“Nga 120 qytetarë të hartuar dhe të kontaktuar, rreth 80 për qind tashmë janë evakuuar, janë tetë shtetas që kërkojnë evakuim dhe janë ende në Ukrainë. Katër prej tyre janë shtetas tanë, katër janë shtetas ukrainas, por në një marrëdhënie farefisnore me tanët. Janë edhe rreth 20 qytetarë të tjerë, por ata nuk kërkojnë evakuim”, tha Osmani.
Ai shtoi se këta tetë shtetas po tentojnë që t’i evakuojnë, ndërsa për 20 të tjerët, siç tha ai, nuk do të bëjnë përpjekje për t’i evakuuar derisa të marrin kërkesë nga ana e tyre se duan të evakuohen.
