Presidenti i Ukrainës, Vollodimir Zelenski sërish i bëri thirrje NATO-s të vendosë zonë të fluturimeve të ndaluara mbi vendin e tij, duke paralajmëruar se në të kundërtën raketat ruse mund të bien mbi vendet-anëtare, informon agjencia e lajmeve MIA.
“Nëse nuk e mbyllni qiellin tonë, çështje kohe është kur raketat ruse do të fillojnë të bien në territorin tuaj, në territorin e NATO-s”, deklaroi Zelenski.
Deklarata e tij vijoi pasi mbrëmë forcat ruse e raketuan bazën ushtarake Javoriv, që është e vendosur në afërsi të kufirit me Poloninë dhe zakonisht shfrytëzohej për trajtim dhe stërvitje të përbashkëta të ushtrisë ukrainase dhe partnerëve të saj të NATO-s.
Në sulm humbën jetën 35 njerëz, ndërsa u lënduan mbi 130.
