Pa anulim, në mënyrë shtesë do t’i përforcojmë lidhjet tona dhe do ta thellojmë partneritetin tonë për përkrahje të Ukrainës në udhëtimin e saj evropian, thanë liderët në deklaratën me shkrim në margjinat e samitit evropian në Versaj, pa me këtë rast ta hapin derën për anëtarësim në BE, njoftoi korrespondenti i MIA-s.
Sipas projekt-konkluzimeve, 27-të liderët, të cilët e konfirmojnë rolin kyç të NATO-s, do ta theksojnë dëshirën e tyre që të investojnë, “më shumë dhe më mirë në kapacitetet ushtarake”, derisa strategjia mbrojtëse duhet të publikohet para fundit të muajit.
Ata, po ashtu, do ta shqyrtojnë planin e Komisionit për zvogëlimin e varshmërisë nga gazi rus për dy të tretat këtë vit, por edhe për zvogëlimin e importit të qymyrit dhe naftës nga Rusia, me diversifikimin e furnizuesve dhe zhvillimit të energjive alternative, siç janë burimet ripërtërirëse ose hidrogjeni.
Derisa liderët deklaruan se nuk do të mund t’i lejohet Ukrainës procedurë e përshpejtuar për qasje në BE, kryeministri slloven Janez Jansha nuk i ka fshehur, ndarjet mes “të cilët mendojnë se (…) ukrainasit luftojnë për jetët e tyre dhe meritojnë porosi të fuqishme politike (…) dhe ata të cilët debatojnë për procedurat”. Vendet nga Evropa qendrore, në krye me Poloninë dëshirojnë ta përshpejtojnë procesin e kandidaturës së Ukrainës.
