Qytetarët amerikan menjëherë duhet ta braktisin Bjellorusinë për shkak të sistemimit të forcave ushtarake ruse përgjatë kufirittë Bjellorusisë me Ukrainën, kumtoi Departamenti i shtetit amerikan, informon agjencia e lajmeve MIA.
Incizimet komerciale satelitore të publikuara nga një kompani private para disa ditësh tregojnë sistemim të forcave të reja ruse në disa lokacione në afërsi të Ukrainës, që tregon se Moska vazhdon të mbledhë forca derisa përpjekjet diplomatike për qetësim të krizës po vazhdojnë. Kompania Maxar Technologies me seli në SHBA, e cila me javë e ndjek sistemimin e forcave ruse, informon se incizimet nga e mërkura dhe e enjtja tregojnë sistemim të ri të rëndësishëm në disa lokacione në Krimenë e aneksuar, Rusinë Perëndimore dhe Bjellorusinë. Incizimi nuk është konfirmuar nga burime të pavarura.
Rusia nga e enjtja mban stërvitje të përbashkëta ushtarake me Bjellorusinë në ish republikën sovjetike, si dhe stërvitje detare në Detin e Zi. Këto aktivitete të shumta ushtarake i rritën frikat se Rusia mund ta sulmojë Ukrainën, por Moska i mohon planet e tilla.
