Presidenti i Ukrainës, Vlladimir Zelenski, ka marrë informata zbuluese amerikane se Rusia po përgadit aksion ushtarak kundër Kievit, i cili do të ndodhë gjatë javës, të mërkurën, njoftoi sot CNN, transmeton agjencia e lajmeve MIA.
“Presidenti ukrainas tha se ka qenë i informuar se sulmi do të ndodhë të mërkurën, 48 orë prej sot”, njoftoi televizioni. Zelenski, në përgjigje të këtyre spekulimeve, sot në dekret e shpalli 16 shkurtin për Ditë të unitetit.
“Në atë ditë ne do t’i vendosim flamujtë tanë kombëtarë, do të mbajmë shirita kaltërt-verdhë, dhe do t’i tregojmë tërë botës se jemi të bashkuar”, deklaroi Zelenski.
Paraprakisht, edhe disa edicione gjermane, si “Shpigel”, e kanë përmendur datën 16 shkurt si datë eventuale për fillim të invazionit rus ndaj Ukrainës. Nga Pentagoni sot deklaruan se armata ruse vazhdon të sistemojë forca shtesë ndaj kufirit me Ukrainën.
