Kryeministri Dimitar Kovaçevski publikoi se është arritur marrëveshje me Lidhjen e Sindikatave dhe me punëdhënësit për pagën minimale prej 18.000 denarë.
Siç publikoi Kovaçevski në profilin e tij në Fejsbuk, 80.000 bashkëqytetarë, punëtorë në industri të ndryshme, duke filluar nga paga e muajit mars do të marrin nga 18.000 denarë. “Jam i gëzuar dhe i kënaqur që mund të tregoj se arritëm marrëveshje edhe me Lidhjen e Sindikatave dhe me punëdhënësit, 80.000 bashkëqytetarë tanë, punëtorë në industri të ndryshme, duke filluar nga paga e Marsit do të marrin nga 18.000 denarë”, shënoi kryeministri Kovaçevski.
Kjo shumë, tha, e shënon rritjen e neto pagës së këtyre punëtorëve për rreth 45 euro në muaj. “Premtuam dhe realizojmë masa të cilat direkt e ndihmojnë standartin jetësor. Në një vit të krizës, vit të krizave evropiane dhe botërore, mbesim të fokusuar në mbështetjen financiare të qytetarëve”, shënoi në Fejsbuk kryeministri Dimitar Kovaçevski.
