Këshilli i Gjykatës së Apelit Shkup, i përbërë nga gjyqtarët Tanja Mileva, kryetare e këshillit, Gjoko Ristovi dhe Lirie Elezi Ajrullau, anëtarë të këshillit, e pranoi ankesën e të akuzuarit të parë në rastin “Softuerë”, Dragi Rashkovski dhe ia hoqi masën arrest shtëpiak.
Në vendimin e Apelit të Shkupit theksohet se edhe pranohet garancia e ofruar e të akuzuarit Rashkovski, në një vlerë të përgjithshme prej 192.980,00 euro që përbëhet nga hipotekimi i patundshmërisë.
Në vendimin e Gjykatës së Apelit theksohet se i akuzuari pas heqjes së masës së arrestit ka për obligim të paraqitet çdo të hëne të parë pune në muaj në orën 10, te personi zyrtar i autorizuar pranë Gjykatës Themelore Penale Shkup – Departamenti për Krim dhe Korrupsion të Organizuar.
“Sekuestrimi i përkohshëm i dokumenteve të udhëtimit apo dokumenti tjetër për kalim të kufirit të shtetit në emër të të akuzuarit D.R. nga S, gjegjësisht ndalesë për lëshimin e tij, qëndron në vendimin e Gjykatës së Apelit. Gjithashtu, në shpjegimin e vendimit thuhet se Masat e kujdesit do të zgjasin derisa ka nevojë për këtë, ndërsa më gjatë derisa aktvendimi të jetë i vlefshëm, ndërsa gjykata sipas detyrës zyrtare çdo dy muaj rishqyrton nëse ka nevojë për vazhdimin e masës së kujdesit.
