Seanca e djeshme e Këshillit Konsultativ për Siguri Kombëtare, e thirrur nga presidenti i Bullgarisë, Rumen Radev, ishte një diskutim me kohë dhe i dobishëm, tha sot kryeministri bullgar Kirill Petkov, duke paralajmëruar se në fund të këtij muaji do ta vizitojë vendin.
Sipas Petkovit, siç njofton korrespondenti i MIA-s, seanca e Këshillit tregoi se të gjithë pjesëmarrësit e tij kanë një qëllim të përbashkët – tejkalimin e ngërçit në marrëdhëniet e Bullgarisë me Republikën e Maqedonisë së Veriut dhe dhënien e një fillimi të ri në kërkimin e fqinjësisë së mirë.
Petkov, i cili ndodhet në izolim për shkak të kontaktit me një person të infektuar me Kovid-19, përmes një video- fjalimi, njoftoi se qeveria bullgare do të fillojë punën për zbatimin e programit në fusha të ndryshme, duke shtuar se “në qendër të përpjekjeve të tij do të të jenë të drejtat e bullgarëve në Maqedoni”.
“Gjatë këtij muaji do të shkoj në Republikën e Maqedonisë së Veriut, pasi ne e kemi radhën dhe së dyti, pasi përmes dialogut konstruktiv mund të bëjmë shumë më shumë nga ajo që është bërë viteve të fundit”, deklaroi Petkov në fjalim, i cili përfundon me fjalët “bashkë mundemi më shumë”.
Shërbimi për shtyp i qeverisë bullgare njoftoi sot se Petkovi dhe shefja e tij e kabinetit Lena Borisllavova do të jenë në izolim në ditët në vijim për shkak të kontaktit me një person të infektuar me koronavirus, ndaj vizita e tij në vend e planifikuar për më 18 janar dhe në vend të tij një delegacion qeveritar bullgar do të udhëtojë për në Shkup që do të udhëhiqet nga zëvendëskryeministrja Kalina Konstantinova.
