Në kushte të krizës botërore energjetike, arritëm të pengojmë rritje drastike të energjisë elektrike prej mbi 25 për qind dhe ta aktivizojmë prodhimin vendor për lehtësimin e goditjes së çmimeve.
Çmimi i energjisë elektrike të furnizuesit universal – EVN HOUM për amvisëritë dhe konsumatorët e vegjël, do të rritet për 9,48 për qind lidhur me periudhën e llogaritur paraprakisht, siç informoi Komisioni rregullator për energjetikë, njoftoi kryeministri Zoran Zaev. Zaev, gjithashtu, thekson se mbahet tarifa e lirë gjatë natës e rrymës, si dhe ajo për ditën e diel.
“Solidariteti i të gjithë aktorëve në sektorin e energjisë elektrike, reduktimi i shpenzimeve dhe kursimi është me rëndësi të madhe. Nuk do të ketë kufizime për energjinë elektrike. Të gjitha objektet e prodhimit vendas të energjisë elektrike janë në funksion të përballjes me sukses të krizës energjetike. Për momentin ka sasi të mjaftueshme të thëngjillit të parashikuar për funksionimin e TC Oslomej, si dhe për REK Bitola për operim me dy blloqe. TC Negotinë tashmë është përfshirë me gjysmë kapacitet, nga janari do të punojë me kapacitet të plotë, ndërsa nga janari do të përfshihet blloku i tretë i REK Bitola”, postoi në profilin e tij në Fejsbuk, Zaev.
Të gjitha sasitë e energjisë elektrike të nevojshme për furnizuesin universal do të sigurohen nga prodhimi vendor, gjegjësisht pa import. “Në seancën e sotme, Qeveria në propozim të Ministrisë së Ekonomisë siguroi 60 milionë denarë mbështetje financiare me Programin për mbrojtjen e konsumatorëve të cenueshëm të energjisë për vitin 2022. Për herë të parë futet ndihma financiare për kategoritë më të cenueshme të personave me të ardhura të ulëta, të cilët nuk janë përfitues të ndihmës së garantuar sipas ligjit”, shkruan Zaev. Gjendja, thekson Zaev, ndiqet edhe me të gjithë aktorët relevantë sillen vendimet në dobi të qytetarëve me qëllim të lehtësimit të efekteve nga kriza energjetike botërore.
