Qyteti i Shkupit do t’i ndihmonte gjithkujt, por buxheti është lënë në gjendje dëshpëruese. Është i ngujuar me projekte për të cilët janë nënshkruar marrëveshje të cilat janë shumëvjeçare dhe për fat të keq, duhet të realizohen dhe nuk mund të ndërpriten. Pjesa më e madhe e mjeteve janë përcaktuar paraprakisht ku do të shpenzohen vitin e ardhshëm, ka thënë kryetarja Danella Arsovska duke u përgjigjur në pyetjen nëse Qyteti i Shkupit mund t’u ndihmojë qytetarëve të cilët do të paguajnë energji elektrike dhe ngrohje energjike më të shtrenjtë sipas paralajmërimeve për rritjen e çmimeve.
“Duhet të jemi të vetëdijshëm se qyteti është I future në borxhe. Ai madje nuk ka kurrfarë mundësi për borxhe shtesë. Prandaj mendoj se pjesën më të madhe të përgjegjësisë duhet ta mbajë pushteti qendror sepse ai kishte pjesë dhe ka mundur ta parandalojë këtë situate me të cilën po përballemi sot. Qyteti nuk ka mundur të parandalojë që të ndodh kjo. Të gjitha mekanizmat janë në pushtetin qendror, ajo duhet ët parandalojë që qytetarët dhe sektori privat, duke I përfshirë edhe komunat dhe ndërmarrjet publike të paguajnë fatura aq të larta dramatike për energjinë elektrike”, ka thënë Arsovska në Ditarin e TV Sitel.
Lidhur me premtimin zgjedhor për transport falas me autobus, tha se pas Vitit të Ri do të dalin me llogaritje të sakta sepse në NQP “Shkup” janë hasur, siç th, gjendje katastrofike dhe pjesa e madhe e automjeteve nuk janë vendosur në funksion. Lidhur me ndotjen e ajrit, Arsovska tha se ka vend për përmirësim dhe se janë forcuar kontrollet, dhe situata është e tillë sepse nuk është marrë në vitet e kaluara për ndotjen enorme.
Ajo tha se muajin e kaluar janë kryer 54 inspektime lidhur me ndotjen, kanë filluar kontrollet emergjente të objekteve industriale dhe janë pastruar rreth 120 deponi ilegale në 50 ditët e fundit. Arsovska, në intervistë tha edhe se në Shkup do të organizohet festë e Vitit të Ri nga tri kompani me përgjegjësi shoqërore, të cilat, tha ajo, “morën përsipër barrën e organizimit të natës së Vitit të Ri”.
