Gjykata administrative e pranoi ankesën e Lëvizjes BESA për vendvotimin 2107 në Komunën e Zhelinës, konfirmuan për MIA-n nga gjykata.
Kjo do të thotë se aty nuk do të ketë rivotim në rrethin e parë, me ç’rast, kryetar i komunës do të zgjedhet kandidati i Lëvizjes BESA, Blerim Sejdi. Vendimin, me të cilin konfirmohen rezultatet nga votimi në rrethin e dytë në Zhelinë, e mori Këshilli i Gjykatës. KSHZ të enjten e pranoi ankesën e BDI-së dhe vendosi që të përsëritet votimi në Zhelinë, pas çka BESA ka parashtruar ankesë deri te Gjykata administrative.
Pas vendimit të KSHZ-së, sekretari i përgjithshëm i Lëvizjes BESA, Arjanit Hoxha të premten e akuzoi partnerin e koalicionit BDI se, siç tha, “u kanë futur thikë në shpinë me ankesën për Zhelinën” dhe se me këtë sillet në pyetje koalicioni qeveritar.
Disa ditë më herët, pas takimit me kryeministrin Zoran Zaev në Qeveri, Hoxha tha se BESA mbetet në koalicionin qeveritar, por pastaj vendosi që t’i bashkangjitet Iniciatëvës së opozitës për formimin e shumicës së re parlamentare.
