Monitorimi i CIVIL-it raporton se votimi në institucionet ekzekutuese të vendimeve penale ka nisur në kohë dhe po zhvillohet pa ndërprerje. Ndryshe nga dita e votimit më 17 tetor, kur një pjesë e atyre që vuanin dënimin me burg nuk u lejua të votonin me “kartelë shtëpie”, në dy orët e para të raundit të dytë nuk u regjistruan raste të tilla.
Ashtu si në raundin e parë, edhe sot, në raundin e dytë të votimit për zgjedhjet lokale, disa prej të arrestuarve mungojnë në Listën zgjedhore.
Në raundin e dytë të Zgjedhjeve lokale 2021, sot më 30 tetor, të sëmurët, të pafuqishmit dhe personat me Kovid-19 votojnë në izolim, aplikimet e të cilëve pranohen nga komisionet komunale zgjedhore, si dhe të burgosurit, të paraburgosurit, të moshuarit dhe personat e zhvendosur.
