Rrethi i parë i zgjedhjeve lokale përfundoi. Derisa Komisioni Shtetëror i Zgjedhjeve rradhazi i shpall rezultatet në ueb faqen e saj, partitë edhe nga pushteti edhe nga opozita shpallën fitore. Kryetari i KSHZ-së, Aleksandar Dashtevski në konferencën e fundit për shtyp të mbajtur pas mesnate tha se vazhdimisht arrijnë të dhëna të reja nga votimi.
“Do t’i presim procesverbalet nga komisionet komunale zgjedhore të vijnë dhe për këtë arsye ne do të qëndrojmë në punë. Në rastin e parë të mundshëm, ne do të caktojmë një konferencë të re për shtyp në të cilën do të kemi rezultate më konkrete”, tha mbrëmë Dashtevski.
Deri tek Komisioni Shtetëror i Zgjedhjeve ghatë ditës së djeshme kanë arritur gjithsej 286 ankesa për mbrojtjen e të drejtës së votës, nga të cilat 217 u pranuan, 19 u refuzuan, 34 ishin të pabaza dhe 16 ankesa ishin në proces të përpunimit. Votimi ka përfunduar në të gjitha 11 vendvotimet në të cilat është vazhduar, për aq sa është ndërprerë. KSHZ-ja në konferencën e fundit për shtyp nuk paraqiti të dhënat për jehonën, ndërsa paraprakisht, kumtoi se deri në orën 18 në votim kanë dalë 49.29 për qind të votuesve të regjistruar.
LSDM-ja shpalli fitore në rrethin e parë ose një epërsi serioze në më shumë se 30 komuna dhe Qytetin e Shkupit. Në komunat ku kandidatët e tyre shkojnë në raundin e dytë, ata presin mbështetje serioze nga partnerët e koalicionit të cilët performuan në mënyrë të pavarur në rrethin e parë.
“Koalicioni i progresit po merr mbështetje serioze në raundin e dytë. LSDM hyn në raundin e dytë në 36 komuna dhe Qytetin e Shkupit. Po hyjmë në betejë për fitore përfundimtare në të gjitha komunat e mbetura. Jam i bindur se në fund LSDM dhe Koalicioni do të kenë kryetarë komunash në më shumë komuna krahasuar me VMRO-DPMNE dhe Koalicionin e tyre”, tha Zaevi.
Ai theksoi se koalicioni i partive që përbëjnë pushtetin qendror, ai është koalicioni qeveritar i përbërë nga LSDM, BDI, PLD, RDM, Besa, PDSH, Lidhja Boshnjake dhe parti të tjera, do të bashkohet dhe, siç tha, “do të hyjë në luftën për shumicën në numër më të madh të tashmë këshillave të zgjedhur në komuna në vend”. VMRO-DPMNE-ja megjithatë ka shpallur fitore në 20 komuna, ndërsa në tjera hyn në raundin e dytë. Priten rezultatet në komunat e Shkupit, Aerodrom dhe Kisella Vodë ku sipas qendrës analitike të partisë kandidatët e tyre janë në epërsi.
Lideri i partisë Hristijan Mickoski në konferencën e sontme ka deklaruar se presin që dallimi në listat e këshilltarëve të jetë më shumë se 50 mijë vota në favor të VMRO-DPMNE-së kundrejt LSDM-së. Për qytetin e Shkupit siç tha, “udhëheq kandidatja e pavarur që ata e mbështetën”.
“Në më shumë se 50 komuna presim të kemi shumicë në këshill, përfshirë edhe fitore në listën e qytetit në Shkup. Në raundin e parë kemi më shumë se 20 kryetarë komunash. Mendoj se është numri me atë që presim të konfirmohen Kisella Voda dhe Aerodromi, në 20 komuna jemi të parët dhe në tjerat hyjmë në raundin e dytë me mundësi të madhe që të fitojmë në raundin e dytë. Dallimi i listave të këshilltarëve presim të jetë më shumë se 50 mijë vota në favor të VMRO-DPMNE-së në krahasim me LSDM-në”, tha Mickoski.
Udhëheqja e partisë, siç u njoftua, do të diskutojë nëse do të kërkojnë zgjedhje të parakohshme parlamentare, por theksoi se është e mundur që ata së shpejti të kenë shumicë parlamentare.
Nga e majta është e kënaqur me rezultatet e arritura të zgjedhjeve. Kandidatët e tyre për kryetar komune janë të tretët dhe nuk hyjnë në raundin e dytë, por ndryshe nga zgjedhjet e mëparshme kur kishin vetëm tre këshilltarë, tani ata kanë këshilltarë në pothuajse 30 komuna. Siç u shpreh nga lideri i së Majtës, Dimitar Apasiev, ata mbeten në pozicionin për të mos bërë koalicion me asnjë parti në raundin e dytë.
Kryetari i BDI-së, Ali Ahmeti në konferencën për shtyp të partisë pas zgjedhjeve lokale shprehu kënaqësi nga rezultatet e arritura, duke theksuar se që në raundin e parë BDI ka fituar në tri komuna – Saraj, Likovë dhe Pllasnicë. Sipas tij në rrethin e dytë me epërsi të madhe shkojnë në dhjetëra komuna – Tetovë, Çair, Kërçovë, Strugë, Zhelinë, Tearcë, Bogovinë, Haraçinë dhe Dollnen. Gjithashtu në raund të dytë kandidatët e BDI-së shkojnë në komunat Dibër, Çashkë, Gostivar dhe Vrapçisht.
“Dëshiroj të shpreh kënaqësinë për procesin e plotë zgjedhor ku u dëshmua kultura demokratike, pasi zgjedhjet janë reflektim i një shteti dhe me këtë ky proces kaloi më së miri. Dëshiroj t’i përgëzoj të gjithë pjesëmarrësit në garë. I përshëndes anëtarët e BDI-së për këtë fitore, pas fitores në vitin 2020 në zgjedhjet parlamentare, ku dëshmuan edhe një sukses me këtë rast duke e rritur volumin e votave për partinë e tyre. Përveç shtabit lokal, komunal dhe qendror, dëshiroj t’i faleminderoj edhe votuesit të cilët u përcaktuan për frymën e agjendës së gjelbër të BDI-së e cila u prezentua para votuesve. Si gjithnjë që kemi qenë fitues edhe në këtë proces të rëndësishëm për vetëqeverisjen lokale dolëm fitues”, deklaroi Ali Ahmeti në konferencën për shtyp.
Koalicioni i Aleancës për Shqiptarët dhe Alternativës shpalli fitore në raundin e parë në Dibër dhe Gostivar, ndërsa sipas informacioneve të tyre, kandidatët e tyre për kryetarë komunash shkojnë në raund të dytë në pesë komuna. Lideri i Aleancës për Shqiptarët, Ziadin Sela në konferencën për shtyp deklaroi se presin informacione nëse kandidati i tyre do të shkojë në raundin e dytë edhe në Tetovë.
Midis komunave në të cilat kandidatët për kryetarë komunash të Aleancës për Shqiptarët dhe Alternativa shkojnë në rrethin e dytë, sipas Selës, janë Vrapçishti, Bogovinja, Tearca dhe Çairi. Disa nga partitë vlerësuan se dita e zgjedhjeve kaloi me një sërë parregullsish, ndërsa ministri i Punëve të Brendshme, Oliver Spasovski, në një konferencë për shtyp pas mbylljes së votimit, tha se dita e zgjedhjeve kaloi me një numër të parëndësishëm parregullsish, pa serioze prishjet e rendit dhe qetësisë publike.
“Deri në ora 19:00 shënohet ulje e përgjithshme e numrit të rasteve të paraqitura edhe atë për 40 për qind në krahasim me zgjedjet në korrik të vitit 2020. Kështu sivjet janë paraqitur 91 ngjarje për dallim nga zgjedhjet paraprake, kur janë paraqitur 151 ngjarje”, theksoi Spasovski, duke shtuar se nga rastet e paraqitura, MPB-ja nuk ka regjistruar prishje më serioze të procesit zgjedhor dhe të rendit dhe qetësisë publike gjatë votimit. Sipas tij, dita e zgjedhjeve ka kaluar në atmosferë të qetë dhe korrekte, ndërsa qytetarët duke e shfrytëzuar të drejtën e tyre të papenguar dhe të garantuar të votës edhe njëherë e demonstruan pjekurinë dhe përgjegjësinë e vet për të vendosur për të ardhmen e vendit.
