Gjatë ditës së djeshme janë dhënë gjithsej 3.845 doza të vaksinave, prej të cilëve 958 janë dhënë si doza e parë, 2.813 janë rivaksinuar, ndërsa 74 qytetarë e kanë marrë dozën e tretë të vaksinës, informoi Ministria e Shëndetësisë.
Deri më 5 tetor, gjithsej janë vaksinuar 792.174 qytetarë, janë rivaksinuar 740.822, ndërsa dozën e tretë e kanë marrë 499 qytetarë.
Nga Ministria theksojnë se 53 për qind e qytetarëve të moshës mbi 40-vjeçare janë rivaksinuar, ndërsa 33 për qind e popullsisë prej 18 deri 39 vjet kanë marrë të paktën njërën dozë të vaksinës. Përfshirja me vaksinimin me një dozë të vaksinës, e popullatës së moshës madhore është 47 për qind, ndërsa me dy doza janë përfshirë 44 për qind e qytetarëve të moshës mbi 18 vjet.
“Sipas numrit të vaksinave të dhëna, 38 për qind e gjithë popullatës në vendin tonë është vaksinuar, ndërsa 35 për qind e popullatës në shtet kanë marrë të pakën dy doza”, njoftuan nga Ministria e Shëndetësisë.
