Presidenti amerikan Xho Bajdeni sot do të takohet me kolegun e tij afgan Ashraf Gani, në momentin kur Shtëpia e Bardhë bëri të ditur se është e vendosur t’i sigurojë Afganistanit “ndihmë diplomatike, ekonomike dhe humanitare”. Ndërkaq, kjo nuk është ngushëllim i madh pasi talebanët janë në ofensivë në Afganistan, shkruan Uollstrit xhurnal, duke theksuar se vendi është në rrezik të katastrofës.
Bajdeni në prill tha se trupat amerikane do ta lëshojnë Afganistanin deri më 11 shtator dhe se forcat e koalicionit tërhiqen më shpejt sesa pritej.
Një përfaqësues i KB-së këtë javë deklaroi se talebanët kanë marrë më shumë se 50 nga pothuajse 400 zona në Afganistan nga maji e deri më tani. Luftimet vazhdojnë në shumë zona.
Long War Journal vlerëson se rreth 8,5 milionë afganë jetojnë nën kontroll të talebanëve dhe më shumë se 13 milionë janë në zona të kontestueshme. Këta numra do të vazhdojnë të rriten nëse Bajdeni nuk bën ndryshime në politikë.
Komuniteti i inteligjencës beson se Kabuli mund të merret gjashtë muaj pas përfundimit të tërheqjes së SHBA-së, sipas Uollstrit xhurnal.
Në disa vende, forcat qeveritare thjesht i lënë talebanët të vendosin kontroll mbi territor. Qeveria afgane i përshkruan këto aksione si tërheqje taktike, por në këtë rast ata nuk heqin dorë nga armët dhe makinat e shtrenjta.
