Qeveria mbetet në projeksionet për inflacion dhe rritje të BPV-së të parashikuara në ribalancin e Buxhetit, i cili është miratuar nga ana e Qeverisë dhe për të cilin duhet të debatohet në Kuvend.
Ministri i Financave Fatmir Besimi thotë se në lidhje me llogaritjet për inflacion mbesin në projeksionet që janë dhënë në ribalanc.
“Kjo është rritja prej 4,1 përqind për BPV-në dhe inflacion prej 2,1 përqind dhe që para se gjithash i detyrohet rritjes së pritjeve të inflacionit në gjysmën e dytë të vitit, e cila pastaj pritet të zvogëlohet dhe kjo kryesisht ka të bëjë me çmimet e derivateve në nivel botëror, shpenzimet e transportit dhe prodhimet ushqimore. Kjo është në suaza të projeksioneve dhe ato janë vënë në propozim ribalancin e buxhetit dhe mbesim në ato projeksione”, theksoi ministri Besimi duke u përgjigjur në pyetjen e gazetarëve pas nënshkrimit të marrëveshjes me BIE-në për linjën kredituese prej 100 milion euro.
