Mijëra hungarezë protestuan të hënën jashtë parlamentit në Budapest kundër legjislacionit që do të ndalonte diskutimet e homoseksualitetit ose ndryshimit të gjinisë në shkolla. Kujtojmë se Kryeministri Viktor Orban përgatitet për zgjedhjet e kontestuara të vitit 2022.
“Kjo është e tmerrshme dhe çnjerëzore”, tha një ndihmëse e kopshtit për fëmijë, Dominika Pandzsa. “Ata po përpiqen t’u heqin të gjitha të drejtat njerëzve. Kjo do t’i mbyllte disa fëmijë në dollap dhe atyre duhet t’u jepej mundësia të dilnin.”
Protestuesit valëvitën flamurin shumëngjyrësh duke treguar se duhen respektuar larmishmëritë dhe orientimet seksuale.
Vërejmë që nacionalisti i vijës së ashpër Orban është bërë gjithnjë e më radikal në politikën e tij shoqërore, duke sulmuar emigrantët dhe personat LGBTIQ me regjimin e tij të vetëquajtur joliberal, i cili ka ndarë thellë kombin evropian qendror.
Protesta e dytë këtë muaj pas më shumë se një pauze njëvjeçare, për shkak të koronavirusit ka treguar se Orban nuk është pa një opozitë, me gjashtë parti që bashkohen për ta ulur atë vitin e ardhshëm.
Qeveria e Orban ka ripërcaktuar martesën në kushtetutë si bashkimin midis një burri dhe një gruaje, dhe birësimin e kufizuar të homoseksualëve. Ai gjithashtu shpalli të jashtëligjshëm statusin ligjor për personat transgjinorë.
Partia qeverisëse Fidesz hodhi poshtë një propozim që ndalon bisedimet në shkollë për çështje LGBTIQ, të tilla si ndryshimi i gjinisë me një ligj të veçantë të mbështetur gjerësisht, që penalizon rreptësisht pedofilinë, duke e bërë të vështirë për kundërshtarët të votojnë kundër tij.
“Disa organizata i përdorin këto programe për të ndikuar në zhvillimin seksual të fëmijëve me të ashtuquajturat programe sensibilizuese si pjesë e fushatave antidiskriminuese, të cilat mund të dëmtojnë rëndë zhvillimin e tyre fizik, mendor dhe moral”, u shprehën ligjvënësit e partisë në pushtet në ndryshim.
Grupet e të drejtave e kanë krahasuar lëvizjen me ligjin rus të vitit 2013 që ndalon “propagandën” në lidhje me marrëdhëniet seksuale jotradicionale.
Grupi i të drejtave të Hatter LGBTIQ, në një letër të hapur gjatë fundjavës, thanë se deputetët nuk duhet të votojnë për projektligjin të Martën, duke vënë në dukje se Kombet e Bashkuara i kanë bërë thirrje Hungarisë të lehtësojë diskriminimin ndaj fëmijëve LGBTIQ.
Një peticion në internet që deklaroi se është negative për politikanët të sakrifikojnë jetën e fëmijëve vetëm për të sunduar ligjërimin publik, kishte grumbulluar më shumë se 83,000 nënshkrime deri të hënën.
Partia opozitare Momentum bëri thirrje për bojkot të votimit të parlamentit, duke thënë se ligji do të rrezikonte komunitetin LGBTIQ.
“Modeli rus na jep një pamje të qartë të efektit që ka një shoqëri e tillë”, tha kryetari i Momentum Andras Fekete-Gyor në një deklaratë. “Dhuna ndaj komunitetit LGBTIQ është e zakonshme atje, nga autoritetet dhe bashkatdhetarët.”
https://edition.cnn.com/2021/06/15/europe/hungary-protests-lgbtq-law-intl/index.html
Megi Asllani
