Agjencia për Shërbime Mediatike Audio dhe Audiovizuale, sot përmes njoftimit reagoi lidhur me deklaratat e kryeministrit Zoran Zaev në intervistën për javoren “Fokus”, lidhur me episodin e parë “Komplot kundër ajrit” nga seriali dokumentar “Redaksia” të Laboratorit hulumtues për raportim (IRL).
Agjencia, siç thuhet në njoftim, theksoi se bartësit e funksioneve publike duhet të përmbahen nga qëndrimet e shprehura publikisht me të cilat shprehet dyshimi në kredibilitetin e historive hulumtuese të gazetarisë.
“Gazetaria hulumtuese është kyçe në realizimin e rolit të mediave për t’i zbuluar dhe analizuar çështjet me interes publik dhe të shërbejnë si korrektues të autoriteteve. Në këtë kontekst, gazetarët nuk duhet të dekurajohen, përkundrazi, duhet të nxiten në hulumtimin e temave të ndryshme lidhur me dukuritë eventuale të korrupsionit ose keqpërdorimeve nga institucione ose individë. Nëse ndonjë palë e përfshirë vlerëson se nuk janë respektuar standardet dhe parimet të sjelljes së përcaktuara në kodet e gazetarisë mund t’i shfrytëzojë mekanizmat ekzistues dhe të drejtohet në trupat vetërregullues”, thuhet në njoftimin e ASHMAV.
