Është jashtëzakonisht e rëndësishme që qeveritë e vendeve të Ballkanit Perëndimor të krijojnë politika koherente dhe të qëndrueshme me të cilat do të rritet konkurrenca e rajonit, në vend të konkurrencës midis vendeve, me ç’rast do të avancohet bashkëpunimi i ndërsjellë ekonomik, në drejtim të përmirësimit të kushteve të jetesës dhe krijimin e një standardi më të lartë të jetesës për të gjithë qytetarët në cilindo vend ku ata jetojnë, tha zëvendëskryeministri për Çështje Ekonomike, Koordinimin e Resorëve Ekonomike dhe Investimeve Fatmir Bytyqi nga Kosova.
Ai, siç informojnë nga kabineti i tij, vizitën e tij njëditore të punës në Republikën e Kosovës e filloi me takimin e Ministres së Tregtisë, Ndërmarrjes dhe Industrisë, Rozeta Hajdari, me të cilën diskutuan për bashkëpunimin ekonomik midis dy vendeve.
“Përmes “Procesit të Berlinit”, i cili realizohet me mbështetjen e vendeve anëtare të BE-së me ndikim, janë ndërmarrë hapa seriozë me të cilat avancohet dialogu midis qeverive dhe përfaqësuesve të komunitetit të biznesit dhe janë iniciuar reforma serioze që do t’i afrojnë të gjitha vendet nga Perëndimi Ballkani drejt anëtarësimit në Bashkimin Evropian”, tha Bytyqi.
Bashkëpunimi ekonomik si dy vende fqinje dhe miqësore ka një potencial serioz të thellohet edhe më shumë, përfunduan në takimin midis zëvendëskryeministrit Bytyqi dhe Ministres Hajdari dhe theksuan se është për përshëndetje fakti që shkëmbimi tregtar në tre muajt e parë të vitit 2021, shënon rritje për 30 përqind.
Ministrja Hajdari dhe zëvendëskryeministri Bytyqi u zotuan të vazhdojnë me angazhimet e përbashkëta për ta avancuar bashkëpunimin ekonomik midis dy vendeve, por edhe të punojnë në ngritjen e konkurrencës së rajonit, në interes të të gjithë qytetarëve.
