Kryetari i Komunës së Çairit, Visar Ganiu bashkë me kryetarin e këshillit të komunës Zahir Bekteshi dhe udhëheqësin e Sektorit të Arsimit Nuhi Dardhishta sot kanë ndarë vendime për 19 mësimdhënës të shtatë shkollave të Komunës së Çairit – “Hasan Prishtina”, “Liria”, “Tefejuz”, “Jashar Bej Shkupi”, “Vasil Gllavinov”, “Imri Elezi” dhe “Ismail Qemali”.
Kryetari i komunës, Ganiu theksoi se përforcimi i kapaciteteve kadrovike gjithmonë është mision i rëndësishëm që kontribuon në mbarëvajtjen e një procesi cilësorë dhe inovativ edukativo-arsimor. Ai tha se kur kemi mësimdhënës që ndjekin trendin bashkëkohor të reformimit të arsimit, fëmijët tanë do të jenë gjithmonë në hap me kohën.
“Komunа e Çairit dhe kryetari i saj gjithmonë kanë qenë dhe do të vazhdojnë të jenë përkrah nevojave të mësimdhënësve, mbi të gjitha duke u angazhuar për modernizimin dhe mirëmbajtjen e infrastrukturës shkollore”, thuhet në njoftimin e komunës së Çairit.
