Të drejtën e tyre të votës, sot paradite në zgjedhjet parlamentare, në Shqipëri, e realizuan tre personalitetet kryesore politike në vend, si dhe kryeministri i Kosovës, i cili ka shtetësi shqiptare.
Presidenti Ilir Meta, pak pasi lëshoi fletën në kutinë e votimit tha “Për Kushtetutën, për Republikën” dhe ju bëri thirrje qytetarëve që masivisht të dalin dhe të votojnë.
“Erdhi kjo ditë e bekuar, Zoti na ndihmoi sot, sovrani (populli) të ketë kushte sa më të mira të mundshme që ta shfaqë vullnetin e tij përmes votimit të lirshëm. Barazia para ligjit garantohet vetëm me barazinë e votës. Secili qytetar duhet lirshëm të votojë për atë në të cilën beson, si dhe për kandidatin. Zgjidhni kandidatët më të mirë dhe më të sinqertë. Presidenti ka agjendë e cila çpaloset çdo sekondë, por punën më të rëndësishme e përfundova. Sot është akt patriotik, gjithçka mbrohet me votim. Ta bindim Evropën se jemi popull i cili meriton integrim”, tha Meta, i cili votoi që në orën 7 të mëngjesit menjëherë pas hapjes së vendvotimit.
Lideri i Partisë Socialiste dhe kryeministër Edi Rama, pas votimit, deklaroi se sot është një ditë e bukur që qytetarët ta “gjuajnë penalltinë e tyre, të votojnë”.
“Kjo është një ditë shumë e bukur. Ditë fantastike, sot është dita, në të cilën nuk duhet të kultivohen ndjenjat negative drejtë secilit që me votën e tij do të shfaqë mendim ndryshe. Sot jemi familje e madhe në një atdhe, të mos harrojnë se demokracia është sport pa publik, sport që secili të hyjë në teren dhe ta gjuajë penalltinë e tij”, deklaroi Rama.
Kundërshtari i tij më i madh, kryetari i Partisë Demokratike, Lulzim Basha, pasi votoi tha se kjo është ditë historike dhe ju bëri thirrje qytetarëve që të dalin dhe të votojnë masivisht.
“Kjo është një ditë e shkëlqyer, historike, ditë kur të gjithë e kemi fuqinë në duart tona, për familjen, për fëmijët, për kombin. Votoni masovikisht që ta bëni të ardhmen të mundshme. Sot është dita e Shqipërisë, dilni masovikisht dhe vendosni. Kjo është dita e juaj, dita e demokracisë”, porositi Basha.
Të drejtën e votes, sot në Tiranë, e realizoi edhe kryeministri i Kosovës, Albin Kurti, i cili ditën e sotme e quajti ditë të demokracisë dhe dëshiroi ditë të mira dhe mirëqenie për Shqipërinë.
“Sot është ditë e demokracisë. Ju bëj thirrje të gjithë qytetarëve, që ta respektojnë atdheun, me votim dhe ta bëjnë zgjedhjen më të mirë sipas parimeve dhe vlerave të cilat i kanë të gjithë. Dita është e bukur. Ashtu do të jetë deri në mbrëmje. Ju dëshiroj ditë të mira dhe mirëqenie në Shqipëri dhe secilit njeri i cili, njëjtë si unë ka pasaportë shqiptar”, tha Kurti.
Nga dega e partisë së tij në Shqipëri, në këto zgjedhje janë tre kandidatë, të cilët garojnë si të pavarur në Tiranë, Lezhë dhe Gjirokastër.
