Në qendrat për kovid në Maqedoninë e Veriut gjenden gjithsej 875 pacientë të shtrirë që janë duke u shëruar nga virusi Kovid-19, transmeton Portalb.mk.
“Në qendrat për kovid në Shkup gjenden gjithsej 356 pacientë në lidhje me Kovid-19 po shërohen në repartet infektive në kryeqytet”, njoftojnë nga Ministria e shëndetësisë, duke sqaruar se gjithsej 519 pacientë janë në qytetet tjera të vendit.
Në Tetovë janë 21 pacientë, Kumanovë 85, Manastir 36, Shtip 50, Veles 19, Ohër 60, Prilep 69, Gostivar 29, Strugë 30, Strumicë 49, Koçani 18, Kërçovë 10, Kavadari 28, Gjevgjeli 10 dhe Dibër 5.
“Në 24 orët e fundit në qendrat për kovid në Shkup janë pranuar 23 pacientë të ri për shkak komplikimeve nga virusi korona”, njoftojnë nga ministria, duke sqaruar se ka edhe 430 vende të lira për pranim në gjithë vendin, ndërsa vetëm në Shkup 128 vende të lira.
