Janë lëshuar 250 termine shtesë për testim për Kovid-19 dhe besoj se me testet e reja të shpejta prej 15 minutave, do të ndryshojë situata rreth marrjes së rezultateve nga testimi, theksoi në konferencën e sotme për shtyp ministri i Shëndetësisë, Venko Filipçe.
“Në fillim të javës së shkuar pamë se praktikisht të gjitha terminet të hënën për tërë javën u plotësuan për kohë të shkurtë dhe u lëshuan 250 shtesë. Megjithatë, unë besoj se edhe me këto teste të reja të shpejta situata rreth testimit do të ndryshojë dhe për kohë shumë të shkurtë pacientët do t’i kenë rezultatet. Kjo është risi në mbarë Evropën, nëse testi është i shpejtë prej 15 minutave, në vendin ku bëhet edhe merret rezultati”, tha Filipçe.
Ai theksoi se çdoherë intervenojnë me termine shtesë atje ku duhet, por, ndonjëherë, siç tha edhe ato termine shtesë mund ta zvarrisin kohën e marrjes së rezultatit.
Filipçe në pyetjen e gazetarëve theksoi se medikamenti “Remdesivir” për mjekim të virusit Kovid-19 është prezent në Maqedoni, por nuk është për prëdorim ë gjerë, por përdoret vetëm për mjeki spitalor.
“Duhet të kemi parasysh se ky lloj i terapisë jepet në kushte spitalore dhe se është medikament që jepet nën indikacion të rreptë të një nga format e sëmundjes që mund të manifestohet tek pacientët, por jo tek të gjithë. ne e kemi medikamentin “Remdesivir” dhe medikamentin “Favipiravir”. Mendihmën e kredisë nga Banka botërore, kur të kalojë ligji në Kuvend, do të blihet sasi shtesë për tërë vitin e ardhshëm 2021. Por, këto nuk janë medikamente që jepen jashtë spitalit”, tha Filipçe.
