Gazetari Ramush Muarem – Cirko , në panelin e CIVILit “Diskriminimi dhe punësimi në sektorin publik dhe privat”, theksoi se theksimi i përkatësisë etnike gjatë punësimit nuk mund të konsiderohet si afirmativ dhe se kjo është në kundërshtim me Kushtetutën.
“E dimë se jemi shtet multi-kulturor dhe propozime të tilla menjëherë hasin në sulme nga njëra ose ana tjetër, ne duhet të flasim për stabilitet ekonomik” shtoi Muarem.
Ai thotë se te Romët është prezentë ekonomia gri, sepse vetë e shohin se nuk ka mundësi fare, ose ka mundësi minimale të punësohen në sektorin publik ose privat. Shteti bën orvatje të eliminohet ky lloj ekonomie, ndërsa ata janë të detyruar, sepse nuk kanë qasje deri te ky punësim, ndërsa atëherë kur ka, funksionet janë nga më të ulëtat, ndërsa nuk ka shanse për funksione udhëheqëse te komuniteti Rom.
