“Bullgaria do të bllokojë konferencën e pare ndërqeveritare të Maqedonisë së Veriut me BE-në, nëse komisioni i përzier nuk arrin harmonizim për çështjet e hapura historike”, deklaroi zëvendëskryeministri dhe minister bullgar i mbrojtjes Krasimir Karakçanov.
Ai në një deklaratë për TV 24 tha se diplomacia e Maqedonisë së Veriut tani më tre vjet u nënshkrua Marrëveshja për fqinjësi të mire shmang zgjidhjen e problemeve dhe pret që BE-ja të qëndrojë në mbrojtje.
Sipas Sofjes zyrtare, pala maqedonase i shmang takimet e historianëve që të mos përballet me zgjidhjen e çështjes për Goce Dellçevin dhe me këtë tregohet se nuk ka dëshirë të zhvillojë dialog të sinqertë.
“Në nëntor të vitit të kaluar e ndaluam punën e Komisionit për shqyrtimin e problemeve historike. Ne e kemi thënë këtë njëqind herë në dhjetë muajt e fundit, se nëse nuk arrihet harmonizim për këto çështje, Bullgaria do të kundërpërgjigjet në konferencën e parë ndërqeveritare, ndërsa çështjet nuk do të pastrohen. Kjo është pozita e Bullgarisë dhe kjo është shumë e qartë për Shkupin”, deklaroi Karakçanov.
Diplomatët e vendeve anëtare të BE-së dje u mblodhën për të biseduar për projekt kornizën negociuse për Maqedoninë. Vazhdimi I diskutimit në nivel teknik në BE duhet të vazhdojë të premten.
Kreu shtetëror i Maqeodnisë së Veriut në disa raste publikisht e prezantoi qëndrimin se nuk pret që Bullgaria ta bllokojë fillimin e negociatave me BE-në. Shkupi zyrtarisht pret që së shpejti të publikohet korniza negociuese, ndërsa konferenca ndërqeveritare për fillimn e negociatave aderuese me BE-në të ndodhë deri në fund të vitit.
burim: https://mia.mk/
