“Çështja më e madhe që na pret në periudhën e ardhshme, posaçërisht në aspektin e perspektivave evropiane, është referendumi, për të cilin shpresoj se do të mbahet. Gjithashtu besoj se do të jetë çështje e cila edhe më tej do të shkaktojë mospajtime dhe konfrontime në shoqëri. Për këtë arsye, roli ynë, i MCMS dhe i Civilit është ta hapim këtë debat dhe në mënyrë të hapur dhe të argumentuar të diskutohet për përparësitë dhe mangësitë e marrëveshjes”, tha Aleksandar Kërzhallovski nga MCMS.
“Kuptohet se qytetarët e Maqedonisë janë pa dilemë për Bashkimin Evropian dhe NATO. Besimi më i ulët në periudhën e kaluar ishte 66%, ndërsa më i larti ka arritur edhe deri 92%. Këtu nuk ka dilemë se vendi dhe rruga e Maqedonisë është drejt Bashkimit Evropian. Anketa jonë e fundit fundit në pyetjen për emrin, para se të bëhet Marrëveshja, tregonte se 48% nga qytetarët nuk janë për asnjë ndryshim, ndërsa vetëm 14% për këtë që tani ofrohet si zgjidhje. Kështu që i dëshiroj kryeministrit verë të vështirë dhe të nxehtë që t’i bindë qytetarët në atë që duhet të jetë vendim i referendumit, që ta hapim rrugën drejt perspektivave evropiane.
Shumë pyetje do të ketë pastaj, por mendoj se natyrisht, kjo pyetje do të vë në hije çdo gjë tjetër deri sa të kalohet ky prag”, tha Kërzhallovski.
Konferenca është pjesë e projektit “Media të lira për shoqëri të lirë” të cilin e zbaton Civili me mbështetje nga Ministria Federale për Punë të Jashtme e Republikës Federale të Gjermanisë.
Maja Ivanovska
Kamera: Atanas Petrovski
