CIVIL -Qendra për Liri, nesër në ora 12 në klubin GEM në Shkup do të ndajë shpërblime për gazetaret dhe gazetarët qytetarë më të suksesshëm nga dy muajt e kaluar.
Në tregimet e shpërblyera bëhet fjalë për probleme sociale, shkelje të drejtave dhe lirive të njeriut, keqpërdorime dhe padrejtësi.
Civili u bën thirrje të gjithë qytetarëve të marrin pjesë në projektin #ObjektiviQytetar, dhe të bëhen pjesë e familjes së madhe gazetarësh qytetarë anembanë botës, të cilët me aktivizmin e tyre bëjnë ndryshime në shoqëri.
Gjithashtu, qytetaret dhe qytetarët mund të dërgojnë edhe video për iniciativën #KërkojPërgjigje. Ideja e kësaj iniciative është që përmes videos ose selfie- videos qytetarët të parashtrojnë pyetje për politikane/poilitikan ose person publik, ndërsa Civili do ta publikojë incizimin në kanalet e veta onlajn. Nëse pyetja është provokuese ose thjeshtë, qytetar(i)ja dëshirojnë të ngelin anonimë, mbetet opsioni të incizihet objekti ose ndonjë situatë, gjatë parashtrimit të pyetjes. Varësisht nga përgjigja dhe reagimi i institucioneve ose kompetentëve për të cilët është parashtruar pyetja, këto video gjithashtu hyjnë në ciklin shpërblyes.
Objektivi qytetar është projekt i Civilit i cili për dy vite me radhë u hap mundësi qytetarëeve dhe qytetarëve për publikimin e tregimeve të tyre lirë dhe pa censurim. Projekti është i financuar nga National Endowment for Democracy.
