Topi është në terrenin e fqinjëve që të bëjnë hapin vendimtar drejt zgjidhjes, ndërsa ne presim, thotë zëdhënësi i Qeverisë greke dhe ministër pa portofol Dimitris Xanakopulos në një intervistë për televizionin grek “Kontra”.
“Atë që presim është që udhëheqësia politike në Ish Republikën Jugosllave të Maqedonisë ta bëjë hapin vendimtar dhe përfundimisht të shkojmë përpara drejt zgjidhjes së pranueshme të përbashkët drejt të cilës synojnë edhe të dyja vendet.
Zoti Zaev duhet të përfundojë aktivitetet e nevojshme politike brenda vendit të tij me aktorët e tjerë politikë dhe më pas presim një përgjigje përfundimtare”, tha Xanakopulos në intervistën për televizionin grek “Kontra”. Xanakopulos theksoi se Greqia nuk ka kurrfarë presioni, “nëse marrëveshja do të arrihet në mënyrë kohore apo në një mënyrë tjetër “, dhe për këtë thotë se topi është në terrenin e palës tjetër, ndërsa Athina atë që mund ta bëjë tani është vetëm të presë.
Xanakopulos gjithashtu përgënjeshtroi dhe hodhi poshtë akuzuat nga partia opozitare Demokracia e Re, se Qeveria e udhëhequr nga Cipras synon zgjidhjen e problemit të emrit si këmbim përfitim të lehtësimit të borxhit të saj kundrejtë Evropës dhe FMN-së.
Burimi: Lajmpress
