Guvernatorja e sapozgjedhur e Bankës Popullore të Republikës së Maqedonisë Anita Angellovska – Bezhoska sot do ta marrë funksionin nga guvernatori i deritanishëm Dimitar Bogov.
Pranim-dorëzimi i funksionit do të kryhet në Bankën Popullore të Republikës së Maqedonisë.
Anita Angellovska – Bezhoska ishte zgjedhur dje nga ana e Kuvendit të Republikës së Maqedonisë në propozim të presidentit të Republikës së Maqedonisë. Për të votuan 81 deputetë, të përmbajtur dhe kundër nuk pati.
Angellovska Bezhoska është gruaja e parë në këtë pozicion. Vjen nga pozita e zëvendësguvernatores në Bankë, ku ishte rizgjedhur vitin e kaluar në shtator.
Presidenti Gjorge Ivanov e propozoi Angellovska-Bezhoska për guvernatore të BPRM-së pasi që paraprakisht i propozuari Dimitar Bogov u tërhoq nga kandidatura, pas kritikave nga shumica në pushtet.
Ivanov në propozimin e vet theksoi se Angellovska-Bezhoska, ecila vjen nga radhët e profesionistëve dhe strukturave udhëheqëse të BPRM-së, është zgjidhje për pozitën e guvernatorit, me çka do të vazhdohej kontinuiteti i punës pozitive dhe udhëheqjes së suksesshme të politikës monetare të Republikës së Maqedonisë.
Angellovska-Bezhoska tetë vite ishte në funksionin zëvendësgurvernatore e BPRM-së, e angazhuar për sferat e politikës monetare, hulumtimit dhe statistikës.
Prej vitit 2004 deri në vitin 2010 Angellovska-Bezhoska ishte ekonomiste kryesore në BPRM. Njëherit, ka qenë e angazhuar në Fondin Monetar Ndërkombëtar në Uashington në Sektorin për politika makroekonomike në vendet evropiane dhe në Sektorin për politika fiskale. Angellovska-Bezhoska ka marrë pjesë në disa misione negociuese të FMN-së për arritjeve të aranzhmaneve mes fondit dhe vendeve-anëtare. Prej vitit 1996 deri në vitin 2004 ajo ka punuar në Ministrinë e Financave ku ka punuar në disa pozita, nga bashkëpunëtor profesionist për sistem financiar, këshilltare për përgatitje dhe ekzekutim të buxhetit, udhëheqëse e sektorit Trezor pranë sekretarit shtetëror të Ministrisë së Financave. Angellovska-Bezhoska u pajis me titullin doktore e shkencave në Fakultetin ekonomik në Lubjanë në vitin 2015, ndërsa tema e disertacionit të saj të doktoraturës është “Koordinimi i politikës monetare dge fiskale në Republikën e Maqedonisë”.
Guvernator i BPRM-së në shtatë vitet e fundit ishte Dimitar Bogov.
(MIA)
