Në 20 ditëshin e fundit, atmosfera gjatë bisedave për emrin në asgjë nuk kujton në buzëqeshjet dhe optimizmin që në fillim i dërgonin para dhe pas takimit, Aleksis Cipras me Zoran Zaev në Davos janarin e kaluar, kështu gazeta “To Vima”, e fillon tekstin e përkushtuar në ngjarjet e fundit në relacionin Shkup-Athinë.
Në analizë me titull “Koha kalon ndërsa gjithnjë e më larg zgjidhjes”, gazetari me përvojë shkruan se po zvogëlohet hapësira për marrëveshje, sepse edhe më tutje është i patejkalueshëm dallimi për erga omnes dhe ndryshimi i Kushtetutës. Këto, sipas “To Vima” ishin edhe pengesat kryesore të takimit të mëparshëm në Vjenë, takim që ka lëvizur “në drejtim të kundërt nga optimizmi i shprehur publikisht më parë i komisarit Han”.
“Koha po kalon. Tashmë duket se të dyja palët filluan të mendojnë, jo vetëm në skenarët e mira, por edhe në mënyrën e menaxhimit me lojën e hedhjes së fajit në rast të mossuksesit të negociatave. Diplomatët e huaj, gjithashtu paraqiten me siguri pesimistë. Siç thonë, nëse afati deri në verë kalon, nga vjeshta të dy vendet hyjnë në periudhën parazgjedhore, shkruan “To Vima”.
Siç njoftoi korrenspondenti i MIA-s nga Athina, gazeta i përmend takimet e ardhme të shefave të dy diplomacive, në fund të javës në Selanik dhe më 11 dhe 12 maj në Sunio, në afërsi të Athinës, por edhe mundësia për takimin e Zoran Zaevit dhe Aleksis Cipras në Samitin në Sofje më 17 maj. Në kryeqytetin bullgar atëherë do të mbahet mbledhja e BE- Ballkani Perëndimor.
“Takimi në Sofje për palën greke është datë përfundimtare deri në të cilin Cipras do të vlerësojë nëse ndoshta ka hapësirë ta marrë çmimin politik për zgjidhje të çështjes së Maqedonisë. Këtë e përmendin burimet qeveritare, ditëve të fundit për “To Vima”, duke shtuar se kryeministri pastaj do të duhet ta fokusojë energjinë e tij vetëm në negociatat për periudhën e pas memorandumit. Përderisa lejojnë rrethanat, mund të realizohet takim me homologun e tij të Shkupit Zoran Zaev në Sofje, në të cilin do të sillen vendime përfundimtare, pozitive ose negative”, shkruan “To Vima”.
Burimi: MIA
