571. – Lindi Muhamedi a.s., themeluesi i Islamit. U bë nismëtari i bashkimit të popujve arabë. Nga viti 630 udhëhoqi shtetin e parë mysliman në Arabi. Islamizmi sot është një nga besimet më të përhapura fetare krahas krishtërimit dhe budizmit.
1653. – Udhëheqësi i Revolucionit anglez Oliver Kromvel e shpërndau Parlamentin dhe vendosi diktaturë personale si lord-protektorat në Angli.
1768. – Vdiq piktori italian Kanaleto, njëri ndër pikorët më të mirë të pejsazheve të shekullit 18. Më së shumti e pikturoi Venecian, kanalet dhe pallatet e saj.
1792. – Franca i shpalli luftë Austrisë, gjë që pati shënuar fillimin e luftërave revolucionare franceze.
1808. – Lindi perandori francez Sharl Luj Napoleoni i Tretë Bonaparta. Duke shpresuar në sukses, e filloi luftën kundër Prusisë.
1889. – Në Braunau, Austri, lindi Adolf Hitleri, udhëheqësi i Rajhut të tretë dhe i Gjermanisë naziste.
1945. – Forcat aleate morën kontrollin mbi qytetet gjermane, Nuremberg dhe Shtutgart gjatë Luftës së Dytë Botërore.
1984. – Britania e Madhe kumtoi se administrata e saj në Hong-Kong do të ndërpresë të funksionojë në vitin 1997.
1994. Izraeli dhe Organizata çlirimtare e Palestinës arritën marrëveshje për transferimin e pushtetit të palestinezëve në rajonin e Gazës dhe në qytetin Erihon të Bregut Perëndimor.
2006. – Autoritetet rumune urdhëruan evakuim të 1.000 personave për shkak të nivelit rekord të lartë të Danubit. Shtëpitë e tyre i braktisën rreth 7.000 njerëz në 129 zona banimi, më shumë se 700 shtëpi janë përmbytur, ndërsa 75.000 hektarë tokë u gjendën nën ujë.
Burimi: MIA
