Majk Pompeo, i nomunuar për funksionin e sekretarit amerikan të Shtetit, gjatë festave të Pashkëve është nisur për një[ vizitë të fshehtë në Korenë e Veriut dhe është takuar me liderin Kim Xhong-un, shkruan “Uashignton post”, duke iu referuar dy burimeve të mirëinformuara.
Qëllimi i takimit ishte të vendosen baza për negociat të drejtpërdrejta mes Trampit dhe Kimit për programin bërthamor korean.
“Dhe ne filluam bisedime të drejtpërdrejta me Korenë e Veriut”, deklaroi Tramp gjatë foto-sesionit me kryeministrin japonez, Shinxo Abe.
“Po zhvillojmë negociata në nivel jashtëzakonisht të lartë… dhe shpresijmë se do të ndodhin gjëra të bukura”, deklaroi Tramp dhe shtoi se në fund, të rëndësishme janë vetëm rezultatet, e jo fakti se po planifikohet takim apo vetë mbajtja e tij.
Burimi: MIA
