Sekretari i përgjithshëm i NATO-s Jens Stoltenberg sot vlerësoi se sulmet ajrore në Siri, që të shtunën janë kryer nga SHBA-ja, Britanija e Madhe dhe Franca, e zvogëlojnë aftësinë e Qeverisë siriane për të kryer sulme të reja kimike.
Stoltenberg tha se sulmet janë “porosi e qartë” për presidentin sirian Bashar al-Asad dhe Iranin se përdorimi i armëve kimike nuk është i pranueshëm dhe se aleatët nuk do të qëndrojnë mënjanë dhe nuk do të vëzhgojnë.
Sekretari i përgjithshëm i NATO-s sot qëndron për vizitë në Turqi në takime me presidentin Rexhep Taip Erdogan, me shefin e diplomacisë Mevlud Çavushoglu dhe me ministrin e Mbrojtjes, Nuretin Xhanikli.
Stoltenberg dje në intervistë për Anadolia deklaroi se qëllimi i vizitës së tij në Turqi është përgatitja për samitin e ardhshëm të NATO-s në korrik në Bruksel.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
