– Sot është Dita e Shërbimit Doganor të Republikës së Maqedonisë. Doganat në Republikën e Maqedonisë për herë të parë e shënuan festën e tyre më 14 prill të vitit 1994.
1629. – Lindi Kristian Hujghens, shkencëtar dhe astronom holandez. Ai ka zbuluar unazat rreth Saturnit dhe ishte i pari që përdori pendulin për të rregulluar orën.
1685. – Vdiq poeti anglez Tomas Otvej, tragjeditë e të cilit karakterizohen me dramë poetike dhe tragjedi të fuqishme. Veprat: “Vencia është shpëtuar”, “Jetim”, “Don Karlos”.
1759. – Vdiq organisti, violinisti dhe kompozitori Georg Friderik Handel. Midis oratoriave të tij më të njohura janë “Saul”, “Israeli në Egjipt” dhe “Mesiah”.
1849. – Hungaria shpalli pavarësinë e saj nga Austria me Luis Kostuth si udhëheqës të saj.
1865. – Abraham Linkolni, presidenti i 16-të i Shteteve të Bashkuara, u qëllua nga Xhon Uilkës Buth në teatër dhe vdiq një ditë më vonë. Andrju Xhonson u bë president.
1917. – Vdiq Ludovik Lazarus Zamenhof, krijues i gjuhës Esperanto.
1927. – Me shkëmbim notash midis Shqipërisë dhe Austrisë, u përfundua marrëveshja provizore tregtare mbi bazën e reciprocitetit dhe të parimit të kombit më të favorizuar. Ajo hyri në fuqi tre muaj më vonë.
1929. – Lindi burrështetasi algjerian Shadëll Benxhedid, president i Algjerit nga viti 1979 deri në vitin 1992.
1931. – Spanja u shpall republikë, pasi mbreti Alfonso abdikoi dhe u largua nga vendi.
1945. – Gjenerali Franc von Papën u kap nga trupat aleatë në Gjermani në prag të mbarimit të Luftës së Dytë Botërore. Më vonë ai u padit në Gjyqin e Nurenbergut.
1981. – Anija amerikane e hapësirës “Kolumbia” e tipit shuttle bëri një ulje të përsosur në bazën e forcave ajrore Eduards pas fluturimit të saj të parë të provës.
1992. – Në garnizonin e Ohrit, arriti rekruti i parë, pjesëtarë i Armatës së Republikës së Maqedonisë.
1995. – Republika e Maqedonisë dhe Xhamahirija Popullore libaneze socialiste vendosën marrëdhënie diplomatike.
1999. – Pakistani kreu me sukses provën e një raketë balistike me një rreze prej 2 mijë km për të arritur Indinë. Një raketë e dytë u provua një ditë më vonë.
2000. – Duma shtetërore ruse pas një viti prolongim e ratifikoi Marrëveshjen Start-2 për zvogëlimin e armatimit bërthamor.
2001. – Vritet nga rebelët çeçenë, zëvendësprokurori në kryeqytetin çeçen, Grozni, Vladimir Moroz. Kjo vrasje, atentati i dytë kundër një funksionari të lartë të republikës brenda 48 orëve, ndodh në një kohë kur presidenti Vladimir Putin ndodhej për vizitë në republikën rebele.
2007. – Së paku 37 persona humbën jetën ndërsa 50 u lënduan në një shpërthim të automjetit-bombë në një stacion autobusësh në qytetin irakian shiitë Qerbelaja. Sulmi ka ndodhur rreth 200 metra nga tempulli Imam Hysein, ku është i varrosur nipi i profetit Muhamed (vendi i shenjtë më i rëndësishëm për shiitët). Qerbelaja ndodhet 80 kilometra në jug nga Bagdadi.
2008. – Vdiq Oli Xhonson, krijues i Bambit, njëri nga animatorët më të mëdhenj të të gjitha kohërave dhe pjesëtar i gjeneratës së parë legjendare të vizatuesve në kompaninë “Uollt Dizni”. Mori pjesë në animimin dhe realizimin e filmave vizatimore klasike siç janë “Borëbardha dhe shtatë shkurtabiqët”, “Pinokio”, “E përhitura”, “Bukuroshja e fjetur”, “Njëqind e një dalmatinë”, “Alisa në botën e çudirave”, “Libër për xhunglën”.
Burim: MIA
