Moti sot në Maqedoni do të jetë me diell dhe me vranësira të vogla mesatare lokale. Në orët e pasdites do të ketë rritje të vranësirave me kushte për reshje të dobëta lokale të shiut në pjesët malore perëndimore. Pastaj do të mbizotërojë mot kryesisht stabil dhe më i ngrohtë me temperatura ditore të cilat pothuajse kudo do të tejkalojnë njëzet gradë.
Siç njofton DPHM-ja, temperatura e mëngjesit do të jetë në interval prej dy deri në nëntë gradë, ndërsa ajo e ditës prej 18 deri në 24 gradë Celsius.
Nga e marta deri të shtunën temperaturat e mëngjesit do të lëvizin prej tre deri në 13 gradë, ndërsa ato të ditës prej 18 deri në 27 gradë. Më ngrohtë do të jetë të premten, kur temperatura e ditës do të arrijë deri në 27 gradë.
Burimi: MIA
