Tregimi i gazetarit qytetar Damjan Temkov, profesor në Shkollën e mesme të muzikës dhe baletit Ilija Nikollovski Lluj, për nxënësin e tij Viktor Toshevski, që shkaktoi interesim të madh në opinion,dhe filloi t’i zgjojë edhe institucionet, është tregimi që e fitoi shpërblimin e parë në ndarjen e çmimeve nga Civili për artikujt më të suksesshëm dhe më ndikues të gazetarëve qytetarë.
“Është interesante se si këto reagime që u paraqitën pas publikimit të tregimit, ndikojnë në të drejtat e Viktorit si nxënës. Motivi im u paraqit në një moment kur Viktori nuk mundej të vjen në shkollë, sepse nuk kishte kushte. Për dallim nga ata që marrin mjete të mëdha për harxhime rrugore, dhe e udhëheqin shtetin, një fëmijë nuk mund të shkojë në shkollë”, tha Temkov.
Ai, në vend se ta pranojë, shpërblimin e parë ia dhuroi familjes Toshevski. “Ky shpërblim ju takon juve”, tha Temkov, me të cilin gjest shkaktoi duartrokitje të fortë nga pjesëmarrësit në sallë.
“Pak ishte koha kur flitnim para kamerës, ende mund të flas dhe të tregoj. Mirëpo, dua të ketë edhe vlerë ajo që them. Të prek atje ku me të vërtetë duhet. Janë të rralla këto media të lira ku mund të drejtohemi. Me të vërtetë e kam nderin që jam sot këtu, edhe pse nuk e dija se për çfarë bëhet fjalë dhe me të vërtetë i falënderoj profesorit Temkov”, tha Lepa Toshevska, nëna e Viktorit.
“Jam i lumtur që ka reagim për gjithë këtë dhe ju falënderoj shumë!”, i gëzuar u përgjigj Viktori.
CIVIL – Qendra për Liri i inkurajon dhe u bën thirrje të gjithë qytetarëve të interesuar të marrin pjesë në seminaret për gazetari qytetare, t’i dërgojnë tregimet e tyre dhe të bëhen pjesë e fuqisë e cila ngadalë, por sigurt i ndryshon gjendjet në shoqëri.
Tregimi i Viktorit është vetëm një ilustrim për problemet në shoqëri dhe mënyra në të cilën mund të nxiten ndryshimet. Bëhuni pjesëmarrës aktivë, sepse bashkë jemi më të fortë!
Maja Ivanovska
Kamera: Dehran Muratov
Fotografia: Biljana Jordanovska
Montazhi: Ermin Klimenta
Përpunimi i tekstit: Dijana Tahiri
