Presidenti amerikan Donald Tramp është nën hetim nga ekipi i prokurorit special Robert Maler, por kundër tij tani për tani nuk planifikohet kurrfarë aktakuze, publikoi Uashington post duke i’u referuar një burimi anonim.
Maler është i obliguar të zbulojë nëse ka pasur bashkëpunim mes shtabit zgjedhor të Trampit dhe Rusisë gjatë fushatës presidenciale në vitin 2016.
Tramp e kualifikon hetimin si “gjueti të shtrigave”, përderisa Rusia mohon çfarëdo lloj përzierje të autoriteteve ruse në fushatën amerikane.
Gazeta citon se prokurori Maler nuk konsideron se Tramp është cak i hetimit, që do të thotë se nuk disponon me të dhëna që mund të hapin rrugë drejt akuzave.
Sipas burimeve anonime, Maler u ka thënë avokatëve të Trampit se është duke përgatitur raport për veprimtari të presidentit amerikan si dhe për obstruksion të mundshëm të drejtësisë nga ana e tij. Maler ishte emëruar në muajin maj të vitit 2017 për hetim ndaj një bashkëpunimi të mundshëm mes fushatës së Trampit dhe autoriteteve ruse.
Burimi: MIA