Ndihmësi i presidentit rus Jurij Ushakov deklaroi sot se presidenti amerikan Donald Tramp, në bisedë telefonike më 20 mars, me presidentin Vladimir Putin, ka propozuar që takimi mes dy liderëve të mbahet në Uashington.
“Nëse është gjithçka siç duhet, shpresoj se amerikanët nuk do ta refuzojnë propozimin që të bisedojnë për mbajtje eventuale të samitit. Kur presidentët tanë biseduan në telefon, Tramp propozoi që mbledhja e parë të mbahet në Uashington, në Shtëpinë e Bardhë”, theksoi Ushakov.
Ai shtoi se Putini dhe Trampi nuk kanë arritur marrëveshje që takimi të jetë në gjysmën e parë të vitit.
“Jo, për atë nuk biseduan. Kjo është pak a shumë ide pozitive, por tani për tani nuk është biseduar për këtë”, theksoi Ukashov.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
