Prokuroria Publike sot do t’i dorëzojë të akuzuarit deri te Gjykata kompetente për ngjarjet në Kuvendin e Republikës së Maqedonisë që ndodhën më 27 prill të vitit të kaluar.
Akuza për ngjarjet, ashtu siç paralajmëroi prokurori publik shtetëror Lubomir Joveski do të parashtrohet gjatë ditës.
Në lidhje me procedurën hetuese përfundimtare për ngjarjet e 27 prillit të vitit të kaluar në shtëpinë ligjdhënëse, Joveski sot do të mbajë konferencë shtypi në PPRM.
Joveski në intervistë për “360 Gradë” në TV Alsat-M e konfirmoi qëndrimin në letër të kumtuar më parë të Prokurorisë publike se nuk do të ketë rikualifikim të veprës për asnjë të akuzuar/të dyshuar në këtë rast. Kjo nënkupton se të gjithë do të akuzohen për “kërcënim terrorist ndaj rendit kushtetues”.
Të dyshuar për ngjarjet e 27 prillit janë 35 persona, mes të cilëve edhe deputetë, organizatorë të protestës dhe të punësuar në MPB.
Gjykata Supreme dje u’a hoqi masën e arrestit shtëpiak Lupço Dimovskit, Johan Tarçullovskit, Igor Durlovskit dhe Elena Bozhinoskës. Ish ministrit të Punëve të Brendshme Mitko Çavkov, deputetëve nga radhët e VMRO-DPMNE-së, Kërsto Mukoski dhe Sasho Vasilevski masa e paraburgimit u është zëvendësuar me burg shtëpiak.
Burimi: MIA
