“Arma” me të cilën u vra Almiri i është kthyer familjes së vrasësit dhe e njëjta është e shpallur për shitje. Makina është e riparuar dhe e shpallur për shitje, edhe pse në procesverbalin e Prokurorisë Themelore në Kumanovë thuhet se “ Me vërtetim mjete të marra përkohësisht numër 267/4389 nga i akuzuari i parë është marrë makinë e markës Mercedes, me targa KU – 0914-ad, me vërejtje se makina është lënë në ruajtje në oborrin e tij pa leje për riparimin e automjetit vërtetim i cili është shtesë në paraqitjen”.
Pavarësisht nga ky vendim i Porkurorisë së Kumanovës, vëllai i të akuzuarit Boban Iliq, Bojan Iliq, më 3 shkurt ka e ka shpallur për shitje në rrjetet sociale, për shitjen e mercedesit.
Grupi “Drejtësi për Almirin” paralajmëroi protestë nesër, më 2 mars, në ora 13 para Prokurorisë Themelore Publike. Protesta është vazhdim i protestës së mbajtur para një muaji, në të cilën qytetarët kërkuan të mos rikualifikohet vepra.
Përskaj premtimeve, në pyetjet e fundit për deputetët, Prokurori i ri Jovevski ka deklaruar se vendimi është marrë në Prokurorinë Publike, para se të emërohet në funksionin e tanishëm, dhe pastaj rikualifikimi i lëndës është votuar në Prokurorinë Themelore Publike.
Në protestën e kaluar organizatorët shprehën dënimin më të ashpër për tentimin për rikualifikimin e veprës penale VRASJE në vepër penale AKSIDENT TRAFIKI me pasoja vdekjepsurëse.
Sot u tubuam që të shprehim dënimin më të ashpër për tentimet për rikualifikimin e veprës penale në rastin për vrasjen e djaloshit të pafajshëm, Almirit. Nga të gjitha dëshmitë e paraqitura, duket qartë se te i akuzuari ekziston synimi për vrasje, dhe në asnjë mënyrë nuk mund të konsiderohet si vepër penale tjetër, përveç – Vrasje!
“Shprehim keqardhjen tonë që Prokurorja publike në rastin nuk qëndroi deri në fund dhe iu nënshtrua presioneve, dhe kërkoi mendim nga Prokuroria e Lartë Publike. Nuk mendojmë se ky rast është për Prokurorinë e Lartë, ose për Prokurorinë e R.M. sepse ky është rast i thjeshtë, i cili nuk kërkon dëshmi shkencore që të përfundohet se bëhet fjalë për vrasje klasike, dhe në asnjë mënyrë për vepër penale tjetër.
Nga Prokuroria Publike e Republikës së Maqedonisë, dhe nga prokurorët publikë si bartës të funksioneve, kërkojmë ta kryejnë funksionin e tyre në mënyrë profesionale dhe me përgjegjësi, dhe të marrin vendim në pajtim me ligjin dhe drejtësinë, gjegjësisht, të mos e rikualifikojnë veprën në rastin e vrasjes së Almirit. Rasti, siç shihet edhe nga video incizimet, ka të bëjë me vrasje klasike, e kryer me paramendim.
Nuk duam që edhe ky rast të jetë një nga ato, në të cilat do të konstatojmë ekzistimin e drejtësisë selektive! Nuk guxojmë të lejojmë që drejtësia të varet nga përkatësia etnike e të akuzuarit, viktimës, ose pjesëmarrësve tjerë në vepra. Shpresojmë që më në fund, drejtësia do të nis të funksionojë në Republikën e Maqedonisë, dhe do të respektohen normat ligjore.
Shpresojmë se Prokuroria Publike e Republikës së Maqedonisë do të na jep një dritë shprese, se ekziston mundësia për “jetë për të gjithë” në Republikën e Maqedonisë!”, u shprehën në protestën e kaluar organizatorë.
Seanca e radhës për rastin është e caktuar më 5 mars.
M.Ivanovska
