Pas reagimit të Civilit, onlajn regjistri i pedofilëve u rikthye në përdorim. Nuk arritëm të kuptojmë se nga cilat arsye ky regjistër nuk funksiononte.
Nga informatat që i pranuam, Komiteti i Helsinkit për të drejtat e njeriut ka reaguar për ekzistimin e këtij regjistri.
Informatën na e vërtetoi edhe drejtoresha ekzekutive e Komitetit të Helsinkit, Uranija Pirovska, e cila në deklaratë për CIVIL Media thotë se ata kanë reaguar, por nuk i dinë arsyet për mbylljen e regjistrit.
“Reagimi ynë ishte në kontekstin se nuk duhet të shpallen publikisht emrat e personave të dënuar për pedofili sepse në atë mënyrë rrezikohet siguria e familjeve të tyre”, thotë Pirovska.
Nuk është hera e parë që onlajn regjistri i pedofilëve të kthehet në funksion pas reagimit të mediave. I tillë është edhe rasti nga viti 2017, kur gazetarja e TV 21 ka botuar rrëfim pas të cilit faqja përsëri është kthyer në funksion, mirëpo për kohë të shkurtë.
Shpresojmë se kjo praktikë nuk do të vazhdojë edhe në të ardhmen.
Regjistri ekziston nga viti 2012 dhe është i koordinuar nga Ministria për punë dhe politikë sociale, ndërsa e udhëheq Institucioni Publik – Enti për veprime sociale. Kjo listë mundëson qasje deri te informatat për persona të dënuar për pedofili.
Maja Ivanovska
